विपी प्रतिष्ठानलाई पेष्ट प्रो सोलुसन प्रालिद्वारा ४८ लाख बराबरको मेडिकल सामग्री हस्तान्तरण

चैत १६, २०८२

अक्षर साइज

छाल खवर

धरान,१६ चैतःआर्थिक रुपमा धराशायी वन्दै गएको वी.पि कोइराला स्वास्थ्य विज्ञान प्रतिष्ठानलाई पेष्ट प्रो सोलुसन प्रालिले करिब ४८ लाख रुपैयाँ बराबरका आवश्यक मेडिकल सामग्री हस्तान्तरण गरेको छ ।

आर्थिक सङ्कटबाट गुज्रिरहेको प्रतिष्ठानलाई आर्थिक तथा भौतिक सहयोग गर्न उपकुलपति प्रा.डा. बिक्रमप्रसाद श्रेष्ठले आह्वान गरेपछि उक्त प्रालिले सहयोग गरेको हो ।

सहयोगी दातामध्ये पेष्ट प्रो सोलुसन प्रालि सबैभन्दा बढी मूल्यको सहयोग गर्ने संस्था भएको प्रतिष्ठानका उपकुलपति श्रेष्ठले जानकारी दिएकाछन् ।

सोमबार आयोजित एक कार्यक्रममार्फत प्रालिकी प्रोप्राइटर सुप्रिया माझी वनेपाली र उनका श्रीमान् दीपक वनेपालीले उपकुलपति श्रेष्ठलाई सामग्री हस्तान्तरण गरेका थिए ।

प्रालिका अनुसार कुल ४७ लाख ८८ हजार ७ सय रुपैयाँ बराबरका सामग्री प्रतिष्ठानलाई उपलब्ध गराइएको प्रा.लि.का प्रोप्राइटर दिपक वनेपालीले वताएकाछन् ।

उनले आफूले प्रतिष्ठानको जिम्मेवारी सम्हाल्दा संस्था चरम आर्थिक सङ्कटमा रहेको र अझै पनि सङ्कटकै अवस्थामा रहेको उल्लेख गरेकाछन् ।

उपकुलपति श्रेष्ठले बिपीलाई बनाउन भित्रका मानिस मात्र होइन, बाहिरका व्यक्तिहरूले पनि सहयोग गर्नुपर्छ भन्ने सोचका नगरपालिका र नगरवासीसँग समेत आह्वान गरेका छन् ।

प्रतिष्ठानका अनुसार विभिन्न शाखाबाट पटक–पटक माग भए पनि बोलपत्र गर्न नसक्दा आवश्यक सामग्री खरिदमा समस्या भइरहेको थियो ।

जति सामग्री प्राप्त भएका छन्, ती सबै तुरुन्तै प्रयोगमा आउने उपकुलपति श्रेष्ठको भनाई रहेको छ । आगामी दिनमा पनि सहयोगको अपेक्षा रहेको इलेक्ट्रोमेड शाखा प्रमुख राहुल मिश्रले बताए ।

प्रोप्राइटर दीपक वनेपालीले प्रतिष्ठानलाई पुरानै अवस्थामा फर्काउने अभियानमा साथ दिन सहयोग गरेको बताए ।

विपी प्रतिष्ठानलाई पेष्ट प्रो सोलुसन प्रालिद्वारा ४८ लाख बराबरको मेडिकल सामग्री हस्तान्तरण

हाम्रो भनाई

हाम्रो टीम

सम्पर्क