.विष्फाेट न्युज
धरान,२२ असोजः मोटरसाइकलको दुनियामा ख्यातिप्राप्त कम्पनी यामाहाले आफ्नो नया मोडलको मोटरसाईकल सार्वजनिक गरेको छ ।
यमाहा कम्पनीले लोकप्रिय एक्सएसआर १५५ मोटरसाइकलको नयाँ ‘ब्लु’ कलर भेरिएन्ट धरानमा सार्वजनिक गरेको हो ।
विहिबार नेपाल यातायात व्यवसायी महासंघ कोशी प्रदेशका संयोजक सरोज श्रेष्ठ, नेपाल पत्रकार महासंघ सुनसरीका अध्यक्ष सन्तोष काफ्लेले उदघाटन गरेका थिए ।
नेपालका लागि यामाहाको आधिकारिक वितरक एमएडब्लू राइड्स प्रा।लि।ले धरानस्थित आधिकारिक सोरुम विजयपुर ट्रेडर्समार्फत नयाँ निलो एक्सएसआर १५५ बजारमा ल्याएको हो ।
काठमाडौँको भृकुटीमण्डपमा सम्पन्न नाडा अटो शो तथा यामाहा ब्लु फेस्टमा प्रदर्शनपछि नयाँ एक्सएसआर १५५ अब धरानको मोफसलकै पहिलो ‘ब्लु स्क्वायर’ सोरुममा उपलब्ध भएको कम्पनीले जनाएको छ ।
नयाँ भेरिएन्ट आएपछि धरान तथा आसपासका ग्राहकले विजयपुर ट्रेडर्समै पुगेर मोटरसाइकलको अवलोकन, टेस्ट राइड तथा बुकिङ गर्न सक्नेछन् ।
रेट्रो डिजाइन र आधुनिक प्रविधिको संयोजनका रूपमा प्रस्तुत गरिएको एक्सएसआर १५५ मा भिभिए प्रविधियुक्त १५५ सीसी लिक्विड कुल्ड इन्जिन र ६ स्पिड गियर ट्रान्समिसन रहेको छ । मोटरसाइकलले दैनिक यात्रा, हाइवे राइड तथा लामो दूरीको यात्राका लागि पावर र स्थिरताको अनुभव दिने कम्पनीको दाबी छ ।
यसअघि कालो, रातो र सिल्भर रंगमा उपलब्ध हुँदै आएको एक्सएसआर १५५ अब नयाँ निलो रंगमा समेत उपलब्ध भएको हो ।
नयाँ निलो भेरिएन्टको मूल्य ५ लाख ३४ हजार ९ सय तोकिएको छ ।
विजयपुर ट्रेडर्सका प्रमुख प्रभाव खतिवडाका अनुसार धरान तथा आसपासका राइडर र यामाहा पारखीलाई नयाँ लुक, रंग र आधुनिक फिचरसहितका मोटरसाइकल उपलब्ध गराउने उद्देश्यले नयाँ भेरिएन्ट सार्वजनिक गरिएको हो ।
खतिवडाले वाइक लभरहरुले यो गाडीलाई पहिलो रोजाईमा पार्ने गरेको समेत दावी गरेकाछन् ।
